蠻不講理

劇場規矩：為免影嚮其他觀眾及台上演員演出，遲到者需在場外觀看電視轉播，等待一幕結束方可進場。

一名觀眾遲到１１分鐘，怒氣沖沖走到前台投訴不能進場，鬧得面紅耳赤，以下節錄了幾段，很有趣。

(一)
a: 有冇攪錯，點解遲到唔可以入場，每人都有遲到的原因，點解遲到少少便要罰企？是針對我嗎? (明明其他遲到的觀眾都在等)
F: 我地唔係罰你，這是劇場規矩……為免影響其他觀眾。
a: 我就咁行入去，唔會嘈，唔會影響到人架!!
F: …除了觀眾外，連表演者都會影響到。
(二)
a: 其實其他觀眾都好不滿，不過係我一個咁蠢，咁戇居嚟投訴啫!
F: 係 / 晤 (異口同聲地回應)
a: 你地咁樣做對d觀眾好唔公平。
F: 若不履行規定，對場內千多位觀眾更不公平……
(三)
a: 點解我遲到一分鐘你地就要罰我，你地遲10分鐘開場就得，我遲一分鐘(咁就當自己遲少咗?!)就要罰我企。
F: …已註明係8時正開場，為配合場地安排……
a: 如果你地準時開場，咁我8:11pm到都唔洗企咁耐，點解你地遲開場就懲罰我?
(四)
a: 同你地講都冇用，你地都幫唔到我，我有冇其他途徑投訴，我可以搵邊個?
F: 係既，我地喱刻真係幫你唔到，不過其他投訴途徑，都係我地幾個人(^_^)

很明顯我們都不適合當客戶服務員，談不上兩句便要扯火了，而且態度亦很強硬，弄得那男人愈鬧愈激動，好像快要爆血管似的。我們就是看不過眼，這種人將自己的責任和過錯都推到別人身上，嚴重自我中心，罔顧他人感受，要不得。