媽媽的爆笑軼事第N回之潮語咭

早上，跟朋友msn聊天，我提到早上見地鐵人太多會「淆底」；
他笑言「淆底--> 勁~你識寫 :D」
為何我會懂得這個字呢？！只因家中的一件小趣事！

一天， 在家發現一盒「潮語認字咭」。。。

我問：「哩盒嘢邊個架？」
正在準備晚飯的媽媽，一擺一擺地從廚房步出來說「我o既！」

我問：「無喇喇因乜要買潮語咭呢？」

她認真地回答….....................

「作為一個潮州人，我認為我應該要學下潮州話…」

在條件反射之下，我瘋狂爆笑起來，無言以對！
這時弟弟從房間走出來趁熱鬧，與媽媽共肩而坐，他手拿潮語咭，跟媽媽一張一張拿來看……

弟弟以70年代呂奇的扁平語調說：「媽咪，你睇吓！淆底=.=……屈機=l=……廣東話嚟架喎！」
媽媽說：「唉！佢哩個係廣東話，上面ｄ符號咪教潮州話囉！」
弟弟邊笑邊說：「再睇！瀨嘢、賣飛佛、吹水」
這時，媽媽突然恍然大悟般說「哦！潮語咭即係潮流用語咭咁解！」囧

嘩哈哈哈～哩單嘢真係令我「笑爆嘴」！=P